أنشودة ديوان العائلة
كتبهاعائلة الشلتوني ، في 4 نيسان 2008 الساعة: 19:16 م
( مبارك علينا الديوان )
كلمات: أيمن الشلتوني (أبو حسان)
ألف مبارك يا إخوان فرحة كبيرة بهالديوان
باقة ياسمين وريحان لكل شلتوني عالعنوان
حفلة حلوة وهنية بأفراح الشلتونية
جمعتنا رحمانية بالحبايب والخلان
بنرحب بالنسايب والأصهار والحبايب
بكل حاضر وبكل غايب والأصحاب والجيران
تسلم يا أبو زياد يا مهندسنا الوقّاد
فضلك تشهد له العباد بالسّخاء وبالإحسان
تسلم يا دكتور نعيم يا إبن الأصل الكريم
ما بنسى إلا اللئيم جهودك في كل مكان
يا دكتور أبو سليمان يرعاك المولى الرحمن
عايش بين الأمريكان وقلبك معنا في الأوطان
يا حبايبنا مشكور كل تبرع أو حضور
جهدكم والله مأجور زيدوا الهمة كمان وكمان
شاركوا بالنشاطات واستجيبوا للدعوات
تابعوا المسابقات أولها حفظ القرآن
واعتصموا بحبل الله وتعاونوا في تقواه
واحمدوه بهداه صرنا عيلة كالبنيان
والله ما ننسى الزيتون ولا الصبر والليمون
أرواحنا ترخص وتهون فدا الوطن والقرآن
فرحتنا ما إلها حدود من أحفاد ومن جدود
يا رب للد نعود مهما طالت الأزمان
ما ننسى بفرحتنا أهلنا وحبايبنا
يا رب اجمع شملنا في الأقصى وغزة وبيسان
هالديوان بكبر فينا بمحبتنا وتلاقينا
والوطن بينادينا صدوا العدوّ الجبان
علمنا النبي القائد كونوا كالجسد الواحد
قوة في وجه الحاقد نتحدى كل الطغيان
بدنا همة يا شباب من دروس ومن ألعاب
ما بدنا أبداً غياب عن نشاطات الديوان
يا شباب ويا بنات دار الشلتوني بالذات
من أحسن العائلات لا تتبعوا الشيطان
قالوا عنا عنيدين قلنا بالحق وبالدين
بنواجه كل الملايين بالإصرار وبالإيمان
سبحان إللي جمعنا حب ورحمة أودعنا
يا رب في الجنة اجمعنا مع حبيبك يا رحمن
لاتنسوا ذكر الإله وعلى النبي الصلاة
حتى تنالوا من رضاه وتربحوا أعلى الجنان
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أبريل 6th, 2008 at 6 أبريل 2008 6:35 م
والله شي برفع الراس ويثلج الصدر والله
وربنا ما يحرمنا من ابداعاتك يا ابن العائلة البار يأ أبا حسان
دمتم للعائلة ودامت لكم بالخير والمسرات
تحياتي
أبريل 8th, 2008 at 8 أبريل 2008 7:44 م
كل الشكر والتقدير على الجهود التي تبذل من القائمين على الديوان وخاصه : المهندس اسماعيل الشلتوني ابو زياد و الدكتور نعيم الشلتوني ابو العبد و الدكتور عبدالكريم
على مابذلوه من جهد لإنشاء مقر الديوان
ابراهيم عمر الشلتوني ابوخليل الرياض-السعوديه